终于过年喇
除咗各种拜年聚会
相信好多男男女女都会选择喺过年期间
带自己嘅另一半翻屋企“见家长”
不过讲真
呢种场景谂下都觉得紧张
简直恐怖过搵工嘅时候对住个HR
但係比屋企人催足成年
点都要喺呢个时候带翻去见下长辈
关乎人生大事如果唔好好准备，
就好容易尴尬到结冰
所以，小编诚意帮大家准备咗一份
“过年见家长”全攻略！
Are you ready！
1
准备工作
「定好见面时间，千奇唔好放飞机」
拜访时间尽量选喺上午，以示尊重
都暗示你喺一个早睡早起嘅人
当然选择一齐食晚饭都係一个唔错嘅选择
但係唔适宜去到咁夜，最后九点半前离开
谨记约定好嘅时间千奇唔好放飞机
印象分大减
「了解家庭成员」
了解屋企成员（特别係父母）
佢地嘅性格、爱好、职业及关系等等
咁样见面嘅时候倾计都会顺利好多
所以提前做好功课好重要
攻陷未来老爷奶奶、岳父岳母...唔係梦！
「准备礼物」
第一次见面当然要准备礼物，
唔好觉得老土，呢个係礼貌问题，
往往小小心意会有巨大嘅效果！
礼物参考指南▼
1、水果要买好食好看又唔会太重嘅。第一次见面如果真係唔知买咩，买水果就绝对唔会错！
2、保健品送长辈係一个唔不错嘅选择，例如钙片、维生素或者蛋白粉之类嘅保健品，男女老少都岩用，简单又实际。
3、食品过年可以送曲奇、糖果呢类型；或者打听一下佢地嘅喜好，例如茶叶、咖啡之类；又或者带一啲屋企嘅特产~
4、保健器械。长辈年纪比较大，可以送保健养生嘅器材，例如按摩椅、足疗仪等，喺屋企可以进行保健。长辈肯定会觉得你好有孝心！
5、烟酒。一般送比男性长辈，有啲家长会比较中意烟酒，所以投其所好，会有唔错嘅效果。（但要小心，你嘅岳母或者奶奶可能会唔中意...）
6、有趣实用如果对方有兄弟姐妹，不妨提前贿赂，咁样又可以多一个盟友！而且过年天气冻，可以选择送围巾小礼物。
7、护肤品化妆品。有啲岳母奶奶可能中意扮靓，可以送啲好嘅护肤品化妆品之类。
「要穿对衫」
第一印象好重要
所以穿着打扮都要注意
虽然年轻人中意时尚个性
但係毕竟见家长，打扮尽量唔好太夸张
For男生▼
男生第一见女方家长
衣着唔需要太华丽，都唔洗特别正式
大方、整洁干净，唔好太随便
仲有头发一定要清清爽爽
天气较冻，可以尝试着大衣见家长
化身长腿欧巴！
For女生▼
女生第一次见男方家长
唔好着得太暴露或夸张
风格还以简约、大方得体比较好
头发啊、妆容以简介淡妆为主
过年着上有节日气氛嘅装扮
可以加分不少，而且都显得气色更好！
2
见面时刻
「主动问好打招呼」
不论男生定女生
主动叫人都係一种礼貌
但係千奇唔好太心急
都乖乖地叫声叔叔、阿姨
绝对唔好急着叫“爸”、“妈”~
「谈吐要得体」
第一次见面语言要沉稳得体语言
保持笑容，积极同长辈交流
但唔好太过急于表现自己
都唔好过度刻意讨好
讲嘢唔好拖泥带水，语速要放慢
倾计时尽量对视，唔好成日低头或东张西望
最紧要，唔好成日玩手机
就算无咩嘢讲，都要表现得热情啲
可以参考一下呢啲话题▼
●倾下天气、顺便提醒一下注意身体~
●倾下之前了解嘅长辈嘅日常习惯、兴趣喜好
●请教一啲生活技能，例如像奶奶请假煮饭！
●同长辈倾下你嘅男（女）朋友，即系佢地嘅仔（女）
「举止要自然大方」
要注意诚恳真实，自然大方
同男（女）朋友相处要自然
喺父母面前表现得过分亲密会令场面尴尬
仲要注意唔好摁脚，吃饭要自觉谦让
注意自己嘅形象...万大事要克制克制
加分秘籍▼
●在屋企食饭嘅话，食饭前同饭后可以帮手开饭或者执嘢，虽然叔叔、阿姨都会唔洗你帮忙，但呢个动作一定要有~你明嘎啦！
●吃完饭唔好急住走，可以坐啲倾下计~
●如果屋企有小朋友，可以从小朋友入手~
●如果係晚上嘅话，记得要早啲送对方同家长翻去！喺屋企嘅话就唔好濑死唔走。
嗱嗱嗱，呢啲技能你get 到未？
小编只可以帮到你地呢度啦
诶，唔好以为单身就唔洗睇啊
单身狗都要收藏好
话唔定有一日可以用到呢！
仲可以开辟一条发家致富嘅道路添！
【声明】素材源于网络，版权归原作者所有！
简介：佛山地区吃喝玩乐微信自媒体，聚集大量本地吃货，白领每天精选佛山地区吃喝玩乐、旅游美食、优惠打折等第一手资讯，与你一起，吃喝玩乐，玩转佛山！商务合作，美食探店，请联系主编微信：gz1868888
